الشريطية والسوق والظلم

لأن فيه سيارات قطع غيارها غير متوفرة او تكون متوفرة بس غاليه عشان كذا تلاقي سعرهااا بالسوق نااازل

احد الاخوه شرا سيارة بيجو سيدان فل الفل بحدود ال 80 الف

باعها ب 36 الف بعد كم شهر لانه جته بعثه ومحد شراها منه

غلط منه يبيعها












,المفروض يخزنننها لين يرجع من البعثه

عشانه مرغوبه بين الناس وسمعه الشركه تلعب دور

لا تلوم الشريطي لاني يبحث عن السيارات المرغوبة لانة سوف يبيع وليس مستخدم

مع انفسهم انا بالنسبه لي ابيع السياره بالمواقع او النشر بالصحف ولا منت الشريطي اللي مايخاف الله ببخس الناس اشيائهم انت من يوم تشوف وجهه وهو كلهم ذنوب 
سماههم في وجوههم

انا شريطي وابوي شريطي وما اذكر غشينا احد والله صريح مع الزباين ولا نطمع بشي
الزباين- هذولي الشريطيه الجدد يطمع وينصب واخر شي يطيح له بسياره مقلوبه ويتوهق فيها والله يا كثر ما تصير ويطيح 40الف من السعر
ـ80% من اللي بالمعارض يتمشون ولا يشترون الا ببخس الناس
الشريطي اول السوق يوقف على الشارع العام ويمسك اللي ما يعرفون الاسعار ويبخسونهم
مثال يجي يسوم الكامري 2011 الشريطي الاول يسوم بـ 50 ويقعد يطلع عيوب السياره ويمشي بعد نص ساعه يجي خويه الشريطي " الأصلي "الثاني ويسوم ب 53
ويشتريها واليوم اللي بعده يلمعها ويضبطها وقبل صلاه العصر يحجز موقف ويجيب ولده الصغير ههههههههه ويقول مسيومه 60 والله يرزقنا .
هذي العينات اللي هنا بحراج

فيه سيارات ما تشتريها الا للستخدام يعني مثلا الكادلك بجميع انواعه ما عدا الاسكلد تشتريه وتقول ما راح ابيعه الا تشليح يعني تروح تدقلك من الوكاله DTS ٢١٠ الف وبعد سنه يجيك واحد يقولك ٨٠ او ٧٠ عادي السبب الوكيل مرم قطع لا توفر صيانه سيئه اما بالنسبه لتيوتا الاند كروزر كل واحد يصينه وكلهم يفهمون فيها الجاقور 
جديده موديل ٢٠٠٦ تاخذها ٣٠ الف ولو تعطل تتصور معاها هذا عيب اساسي بالوكيل مو بالسياره للآسف فيه سيارات مظلومه كثير هنا 
اهمها والتي اعشقها 
سوبارو هذي السياره يابنيه ١٠٠٪ وسياره تتحمل الجور وتكرف كرف ولا تطلب الا قطع استهلاكيه اوليه مثل الزيوت وصفايات بس ما تقولك وضب جربكس او مكينه بس سبب خسف سعرها الله لا يوفقه اليمني وكيل سوبارو بالسعوديه لو يستلمها العيسئي او بالبيد او المجدوعي كان تفرق كثير ورغم قطعها انها رخيصه لاكن غير متوفره الا بالمدن الكبيره 
مثل جده الرياض الدمام وهذا اكبر عيب 

المشكله مب في الشريطية لحالهم ( هم شركاء فيها )

المشكله لها عدة أسباب
أولاً المستهلك الي ما يعرف غير التويوتا الي بدت تدحدر في السنوات الأخيرة ولا أدري سبب الولع الكبير فيها 
مع ان سيارات تويوتا يا أما تايلاندي أو ماليزي أو استرالي 
يعني ما فيه الا كم سيارة تصنع في امريكا والباقي خليط بين تايلاند وماليزيا واستراليا 
وأعتقد ان سبب تعلق الناس في تويوتا هي السمعة فقط 

العامل الثاني بعض الوكلاء الداجين الي ظالمين السيارات الي ماسكين وكالاتها
مثلاً سوبارو ( أفضل سيارة يابانية واعتمادية بشكل كبير وفيها قوة جبارة )
ومع هذا وكيلها الخايس أحيانا ما تلقى عنده قطع لها 

كذلك الميتسوبيشي والمازدا نفس الحالة مع انهم في الاعتمادية والكرف ما مثلهم

ولا ننسى الحمراني (الوكيل المخلوع) الي عبث بسمعة نيسان لين قال بس